FTP-opplasting

FLOGVIT.photosuite sender bilete til ein FTP-, FTPS- eller SFTP-server — ein avisdesk, eit byrå, ein kunde — medan du held fram med å culle.

Rask opplasting#

Trykk U (eller Deliver → Queue for Upload) for å leggje dei valde bileta, eller det på skjermen, i køen til kvart opplastingsmål; trykkjer du att på bilete som alle står i køen, blir dei tekne ut. Du kan òg dra bilete frå griden over på UPLOADS-delen av mappetreet. Opplastinga går i bakgrunnen — du kan halde fram med å culle med ein gong.

Ei tilkopling til serveren#

Ein server er ei tilkopling, laga éin gong og brukt likt av opplasting, workflowar og hentinga av filer i ein workflow.

1. Opne Settings (Cmd+,) og gå til Connections.
2. Trykk + og gje tilkoplinga eit namn, t.d. «VG», «Aftenposten», «Kunde-FTP».
3. Vel Type og fyll inn serveren:
   • FTP — vert, port (21), brukarnamn og passord. Use TLS gjer henne til FTPS; Accept an invalid certificate (insecure) er for ein server med eit sjølvsignert sertifikat.
   • SFTP — vert, port (22), brukarnamn, og eit passord eller ein SSH Key.

Tilkoplinga blir lagra når du forlèt eit felt. Passord blir lagra i nøkkelringen, eller lesne frå miljøet når det er sett der: CULLING_CONN_BRYNE_SFTP_PASSWORD for ei tilkopling som heiter bryne-sftp. Den same Connections-lista har skytenestene.

Opplastingsmål#

UPLOADS-delen nedst i mappetreet (L) viser kvar bileta går. Kvart mål er ei tilkopling og ei mappe på tilkoplinga — tom for mappa serveren loggar deg inn i. Legg til så mange du vil: eit bilete i køen går til alle.

Delen seier òg korleis bileta blir sende:

• RAW+JPEG — for eit kamera som tek begge: Send both, JPEG only eller RAW only.
• RAW source — kva ein RAW blir send som når JPEG er bede om: Companion JPEG frå kameraet, eller ein Developed RAW, laga frå sensordataa med framkallingsinnstillingane og beskjeringa di.
• Apply IPTC — skriv ein av IPTC-malane dine inn i kvar fil idet ho blir send.
• Save copy — held på ein kopi av kvar send fil, i ein Subfolder ved sida av biletet eller i ein Directory du vel.
• Auto-upload — sender det som står i køen med ein gong; utan han sender Upload All (eller Deliver → Upload Queue Now) køen.

Convert to sRGB on upload, under Settings → Color, gjer kvar fil som ikkje er sRGB, om til ein sRGB-JPEG på veg ut, med metadataa i behald.

Kva som er sendt#

FLOGVIT.photosuite hugsar kva bilete som er sende frå kvar mappe, så eit bilete ikkje blir sendt to gonger. Filtra Sent og Not sent viser kvar side. I køen viser kvar fil om ho ventar, blir send, er ferdig eller feila; Retry sender dei feila att, Clear done og Clear sent ryddar lista.

Ein feil som ikkje går over av seg sjølv — feil passord, ei mappe som ikkje finst — blir parkert i staden for å bli prøvd att og att, så ein server ikkje stengjer deg ute. Han blir send att når tilkoplinga blir lagra, eller etter ein time.

For pressefotografar#

Ein typisk arbeidsflyt for presse:

1. Importer frå kortet
2. Rask culling — gje utvalet stjerner
3. Filtrer på valde (Option+P)
4. Vel dei og trykk U
5. Hald fram med å culle medan opplastinga går i bakgrunnen

Frå kortet til desken er den same jobben frå start til slutt, med byline og bilettekst i kvart bilete og eit skript som sender kvart plukk idet du gjer det.

Tilkoplingane blir lagra i connection_profiles.json i innstillingsmappa (~/Library/Application Support/flogvit/); passorda ligg i passordlageret til systemet.